Driver ni Former San Enrique Mayor Mediatrix Fernandez, Nagreklamo nga Gintayaan sang Pusil sang Bodyguard ni Mayor Ramona Palabrica-Go

San Enrique, Iloilo–Nagpa-blotter sa San Enrique Police Station ang driver ni former Mayor Mediatrix Fernandez nga gintayaan sang pusil sang close-in bodyguard ni incumbent Mayor Ramona Palabrica-Go sa caucus sang anay alkalde sa Barangay Rumagayray.

Suno kay Leonardo Labos, nagpangihi lang siya sa likod sang stage sang ginpalapitan ni Michael Aguilar kag gintayaan sang pusil sa wala sini nahibaluan nga rason. Ginpahayag ni Labos nga ginkulbaan siya nga tiruhon gani nagpa-blotter siya sa police station.

Ginpanginwala naman ni Aguilar ang akusasyon ni Labos nga gintayaan niya ini sang pusil. Suno sa iya, si Labos pa ang nagtuyo magsulod sa compound sang balay sang iya utod sa Barangay Rumagayray. Nagapati si Aguilar nga panggarit-garit ang tuyo ni Labos. (Aine Grace Bravo)