UPDATE: 17-anyos nga Timbang, Nag-ako nga Siya ang Brutal nga Nagpatay sa Duha ka Bata sang iya Amo sa San Matias, Dingle
Read Time:58 Second
Dingle, Iloilo–Gin-ako sang 17-anyos nga timbang ang krimen nga pagpatay sa 11-anyos kag 9-anyos nga mga anak nga lalaki sang iya amo sa Barangay San Matias sang Mierkules sang hapon.
Suno kay SPO2 Alejandro Loretizo, gin-ako ni Charity kahapon nga siya ang nagpatay sa mga bata. Ginpa-athag sini nga ginhaboy sang 11-anyos nga si Ryan ang iya cellphone kag ginpasuni nga ginbuno pa siya sang bata sang gunting sa kamot gani nagpanulom ang iya panulok kag nahimo ang krimen. Pero ginpabutyag ni SPO2 Loretizo nga ginapadalman pa nila ang imbestigasyon ilabe pa nga may natumod nga pangalan si Charity nga amo ang nagpatay sa mga bata antes pa siya nag-ako sa krimen.
Base sa autopsy result, may mga pilas sa tiyan bangud sang pagkabuno kag paglampos sa ulo si Ryan kag ang manghud sini. May mga bagras man sila sa lawas nga posible suno kay Dr. Owen Lebaquin, medico legal officer sang Police Regional Office 6, patimaan nga ginpugos sila samtang ginahimo ang krimen.
Ginpasaka na ang kaso nga double murder batuk kay Charity kag sa iya gintudlo nga alyas Allan. (Aine Grace Bravo)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
6 ka banwa sa Capiz ginbaha bangud sa wala untat nga pag-ulan
CAPIZ – Anum ka banwa sa Capiz ang ginbaha bangud sa wala untat nga pag-ulan dala sang bagyo Paeng, suno...
5 ka trabahador sang Daewoo Construction nga na-trap sa baha, gin-rescue sang taga-MDRRMO sa Calinog
ILOILO – Gin-rescue ang lima ka mga trabahador sang Daewoo Engineering and Construction sang na-trap sila sa baha sa Barangay...
ICPO preparado na para sa All Saints’ kag All Souls’ Day
ILOILO CITY – Nakahanda na ang puwersa sang Iloilo City Police Office sa pagbantay sang kalinong kag katawhay sa All...
2 ka suspects sa pagpatay kay Claire Diergos, nag-plead sang ‘not guilty’ sa kaso
ILOILO -- Nag-plead sang "not guilty" sa kaso ang duha ka mga suspects sa pagpatay kay Claire Diergos, ang babaye...
Red Zone Area bangud sa ASF, ipaidalum sa lockdown sang Iloilo Provincial Government
Ipaidalum sang Iloilo Provincial Government sa lockdown ang Red Zone Areas bangud sa African Swine Fever (ASF). Ginakabig nga Red...
P1-M nga balor sang suspected shabu, na-recover sa estudyante sa buy bust operation sa Pototan
ILOILO -- Masobra P1 million nga balor sang suspected shabu ang na-recover sa estudyante nga nadakpan sa drug buy bust...
Average Rating