Guimbal, Iloilo — Nadakpan na ang ikaduha nga preso nga nagpalagyo sa karsel sang Arevalo Police Station sang Abril 10 sang kaagahon.

Pasado alas 10 sang aga sang nadakpan sa Barangay Anono-o, Guimbal si Glenn Paloma, 33 anyos sang North Baluarte, Molo.

Nakit-an sang mga pumuluyo nga nagkadtu si Paloma sa balay sang iya magolang kabangdanan nga nagpahibalo gilayon sa Guimbal Police Station.

Si Paloma ang nakapalagyo sang Abril 10 pasado alas 3 sang kaagahon paagi sa pagbinat sang rehas.

Ginpreso si Paloma matapos nakuhaan sang 7 ka sachets sang suspected shabu sa drug bust operation.

Apang ginpanghiwala sini nga nagaduso siya sang illegal nga druga.

Una na nga nagsungka sa Aksyon Radyo Iloilo ang upod ni Paloma nga si Noriel Sembrano, 34 anyos sang Zone 11 Calaparan, Arevalo. (JoMaque)

Leave a Reply