Janiuay, Iloilo–12 ka mga high school students ang ginpahayag na-possess sa sulod na sang tatlo ka adlaw.

Suno kay PO3 Melvin Mercado sang Janiuay Police Station, ang nasambit nga mga estudyante kabahin sang contesting tribe nga magapasakop sa Surong Festival sang banwa. Sa pagpamangkot sang Janiuay police sa mga manunudlo sang eskuwelahan, gulpi lang nga naglisik ang mga mata, nagasuka kag may ginahambal ang mga estudyante.

Sang gindala sa ospital, ginhambal sang doktor nga hyperventilation syndrome ang ginabatyag sang mga estudyante bangud sugod sang Abril 1 pa sila naga-practice para sa festival. Ginhatagan sang bulong ang mga estudyante agud nga maghagan-hagan ang ila pamatyag apang wala gihapon naumpawan.

Nagdesisyon ang pamilya sang mga estudyante nga dal-on sila sa Knights of Holy Cross sa Maribong, Lambunao agud nga mabulong. (Aine Grace Bravo)

Leave a Reply