Dingle, Iloilo–Indi pa maathag kon nakagamit sang illegal drugs, nagabusong ukon may deperensya sa paminsaron ang timbang nga una na nag-ako nga nagpatay sang duha ka mga bata sang iya amo sa Barangay San Matias.

Suno kay SPO2 Alejandro Loretizo, imbestigador sang Dingle Police Station, tingbon sang mga doktor sa Western Visayas Medical Center ang pagpaguwa sang medical examination bangud may isa pa ka session nga himuon sa psychiatric exam sang timbang. Gin-ako ni Loretizo nga nagalibog gihapon ang ulo nila kon paano natabu ang krimen kag kon ano ang motibo.

Nagapati ang mga pulis nga makabulig ang resulta sang medical examination agud masabat ang mga palamangkutanon nga maka-athag sa kaso. (Aine Grace Bravo)

Leave a Reply