Dumangas, Iloilo  — Isahanon nga gin-atubang ni incumbent Dumangas Mayor Rolly Distura ang mga panelists kag mga pumuluyo sa Candidates’ Forum sang Aksyon Radyo Iloilo kag UP sa Halalan 2016 sa Dumangas Covered Gym kaina sang hapon.

Sa iya nga opening statement, ginpabugal ni Distura nga ang iya panghimanwa nasandig sa paghatag sang madasig nga aksyon sa mga trabaho sang local chief executive.

Ginatutukan sini ang dako nga mga potential sang banwa paagi sa iya agricultural kag fishery programs, peace and order and public safety, infrastructure kag economic recovery program.

Ginbanatan naman ni Distura ang kasumpong sini nga si mayoralty candidate Ronaldo Golez sa indi sini pagtambong sa candidates’ forum.

Nagapakita lang ini suno sa iya nga ginatalikdan ni Golez ang ginapabugal sini nga transparency bangud sa pagpamalibad sa imbitasyon sa diin makaplastar kuntani siya sang iya mga plataporma.

Sa sulat nga ginpadala ni Golez saAksyon Radyo, ginrason sini nga conflict sa iya schedule ang candidates’ forum bangud sang iya mga nauna nga commitments. (JoMaque)

Leave a Reply