Iloilo City–Nagreklamo sa Police Station 1 ang 70-anyos nga babaye nga nabiktima sang budol-budol gang sa dalan Guanco, City Proper kahapon.

Suno sa wala ginhingadlan nga tagreklamo, ginpalapitan siya sang babaye nga ginabanta naga-edad sang 40s kag ginabanta nagataas sang 5’2 antes nagpalapit ang tatlo pa ka babaye kag lalaki. Gintanyagan ang biktima nga magnegosyo kag na-engganyo nga ibutang ang iya P85,000 nga cash kag mga alahas sa isa ka sulodlan. Pero nakibot ini sang ginbuksan nga binandol nga papel ang unod sang sulodlan kag wala na ang kwarta kag mga alahas.

Padayon nga gina-imbestigaran sang mga pulis ang identity sang mga suspek. (Aine Grace Bravo)

Leave a Reply