Ginatudlo Drug Pusher sa San Isidro Jaro, nadakpan!

Iloilo City — Ginpanghiwala sang 47-anyos nga lalaki sa relocation site sa Barangay San Isidro Jaro nga nagabaligya siya kag nagagamit sang illegal drugs.

Suno kay Nestor Saldon, Jr, planted lang sang Jaro police ang illegal drugs sa drugbust operation kaina sang aga sa ila balay.

Ginpanindugan naman ni Chief Inspector Herbert Ballego, hepe sang Jaro Police Station nga nagabaligya si Saldon sang illegal drugs bangud nag-positibo ini sa test buy kahapon.

Nakuha kay Saldon ang 50 ka plastic sachet sang suspected shabu, P200 nga marked money kag P800 nga ginapatihan benta sa illegal drugs. (JoMaque)