Iloilo–Suguran sa Mayo 4 ang pag-deliver sang mga vote counting machines sa mga malayo nga kabaranggayan sa probinsya.

Ginpasiguro ni PCINSP Cecilia Hulleza, public information officer sang Iloilo Police Provincial Office, nga may security deployment plan para sa pagdul-ong sang mga VCMs. May naka-assign na nga mga pulis agud mag-upod sa Comelec personnel nga madul-ong sang mga vote counting machines.

Ginapreparahan sang IPPO ang posible harassment sa mga pulis kag sa Comelec Personnel kag ang posibilidad sang pag-agaw sa VCM.

Ang security deployment plan sa delivery sang VCMs suno kay Hulleza ang na-istoryahan sa final briefing sang IPPO sang damlag lang para sa preparasyon sa adlaw sang eleksyon sa Mayo 9. (Aine Grace Bravo)        

Leave a Reply