Iloilo City — Ibaligya na lang sang tag-iya sang piggery sa Balabago Jaro ang ginagsagod nga mga baboy matapos madamo ang nagreklamo sang indi ma-agwantahan nga baho.

Nagpasalig ang tag-iya sang babuyan nga pamilya Del Castillo suno kay punong barangay Edgar AraƱador nga i-dispose sini ang mga baboy kag indi na liwat magsagod.

Lakip sa mga nagareklamo ang mga residente sa Centennial town homes nga ginadapyahan sang mabaho nga hangin.

Gin-ako ni AraƱador nga naglisensya sa barangay ang tag-iya nga magsagud sang baboy.

Nagdumdom ang kapitan nga indi maglapaw sa duha ka baboy ang saguron gani nakibot sang ginpabalo nga nagalab-ut sa 36 ka baboy ang ginasagod sang pamilya Del Castillo. (JoMaque)

Leave a Reply