Iloilo–Wala ginpasugtan ni Provincial Comelec Supervisor Atty. Wil Arceño ang request sang duha ka kandidato sa Maasin nga sayluhon sa covered gym halin sa Municipal Treasurer’s Office ang tabulation result kag depository sang election paraphernalia.

Sa sulat nga ginpadala nanday Mayoralty Candidate Rene Mondejar kag Vice Maroyoralty Candidate Inocencia Velasco, ginhingyo nila sa COMELEC ang pagsaylo bangud nga magutok ang Treasurer’s Office. Apang gin-athag ni Arceño nga yara dapat sa custody sang Treasurer’s Office ang mga election paraphernalia base sa laye.

Kon may plano gid man suno kay Arceño nga sayluhon ang lugar, ang Treasurer’s Office ang dapat nga mag-request sa Ckag indi ang kandidato. Kon nagaduda naman suno sa iya ang mga kandidato sa mangin resulta sang eleksyon, mahimo naman nila nga pabantayan sa ila mga watchers ang Treasurer’s Office. (Aine Grace Bravo)

Leave a Reply