Anilao, Iloilo–Arestado ang punong barangay sang Badiang, Anilao nga ginatudlo operator kag financier sang illegal gambling.

Dakup si Punong Barangay Rowie Bayona, 35-anyos, kaupod ang lima pa ka ginapatihan koridor matapos ginserbihan sang search warrant sang mga katapo sang National Bureau of Investigation kahapon. Narecover sa balay ni Bayona ang nagkalain-lain nga mga koteho, calculator kag ginabanta P20, 000 nga cash.

Suno kay Atty. Ramilo Quinto, supervising agent sang NBI 6, sakop sang operation ni Bayona ang Anilao, Banate kag Dingle kag nagaserbi nga remittance center ang iya balay. Gina-verify man sang NBI ang impormasyon nga retired police officer ang protektor ni Bayona sa illegal gambling.

Nagapabilin sa kustodiya sang NBI 6 si Bayona kaupod ang lima ka mga koridor. (Aine Grace Bravo)

Leave a Reply