UPDATE: Timbang sa Dingle nga Una na Nag-ako nga Nagpatay sa Duha ka Bata sang iya Amo, Nag-plead nga Not Guilty sa Kaso!

Iloilo–Nag-plead nga  not guilty ang timbang sang pamilya Latosa nga una na nag-ako nga nagpatay sa duha ka bata nga lalaki sang iya amo sa San Matias, Dingle sang Abril 13.

Kasunod ini sang arraignment sa kaso nga gin-file batuk kay alyas Cha sang Dumagute, Negros Oriental kahapon. Suno kay SPO2 Alejandro Loretizo, imbestigador sang Dingle Police Station, indi pa gid ma-establisar kon paano nagsugod kag natapos ang krimen bangud lain-lain gihapon ang pahayag ni Cha. Kon magsugid lang kuntani suno sa iya sang matuod ang timbang, matumod nila kon sin-o ang kaupod sini sa pagpatay sa 11-anyos kag 9-anyos nga mga biktima.

Nag-negatibo naman suno kay Loretizo sa pregnancy test si Cha wala sapayan sang pagkalipong sini sa sulod sang presuhan kag pagka-delay sang iya nga menstruation. (Aine Grace Bravo)