DOH 6, Nagkumpirmar nga Wala Sila Naka-isyu sang Initial kag Operational Permit sa Holland Water Refilling Station nga Ginkontrata sang Syudad sa Water Delivery

Iloilo City–Lain ang ngalan sang water refilling station nga na-isyuhan sang initial kag operational permit sang Department of Health 6.

Ini ang pag-athag ni Delia Tarrosa, chief sang Regulation, Licensing and Enforcement Division sang DOH 6. Suno kay Tarrosa, naka-rehistro sa ila ang Water Season Corporation.. Nagagamit ini sang pareho nga address sa kontrobersiyal nga Holland water Water Refilling Station nga may kontrata sa city government para magdeliver sang tubig sa mga barangay nga na-apektuhan sang el niño bisan wala sang water tanker. Pareho man nga si Joseph Llacer sang Holland Water ang nagpirma sa mga papeles sang Water Season Corporation.

Posible suno kay Tarrosa nga sa Securities and Exchange Commission, kabahin ang Holland sang isa ka korporasyon nga naga-engage sa iban pa gid nga negosyo. (Aine Grace Bravo)