Ilolilo City–Nagwangal ang mga vendors sa Iloilo Central Market sa pagpatuman sang Local Economic Enterprise Office sang dugang nga 10% sa arkila sa ila puwesto sa merkado.

Suno kay Rex Donasco, presidente sang Central Market Vendors’ Association, nakibot ang mga vendors sang gulpi lang nagtaas ang sukot sa ila arkabala nga wala man lang sang abiso halin sa LEEO. Ginpahayag nga ginsapol ni LEEO Head Ariel CastaƱeda ang mga presidente sang mga merkado kag wala gin-imbitar si Donasco.

Na-istoryahan suno kay Donasco sa sinapol ang plano nga pagpatuman sang dugang nga 10% sa arkabala. Ginbasehan sa increase ginpasar nga ordinansa sang LEEO sang 2013.

Ginkuwestyun ni Donasco kon diin nagakadtu ang 10% nga ginasukot sang LEEO sa mga vendors. Ginpasalig sadtu sang syudad suno kay Donasco nga makadto ang kuwarta para sa rehabilitasyon sang merkado apang wala natuma. (Aine Grace Bravo)

Leave a Reply