Iloilo — Wala gid nakabatyag si Sangguniang Bayan member Merilyn Mosqueda sang ginsulod sang kawatan ang ila balay sa Barangay Cano-an, Estancia.

Suno kay Mosqueda, wala gid siya nakabatyag sang ginsulod ang ila balay sang Abril 30 sang gab-i bangud tuman ini ka lapyo sa pagpangampanya.

Nagsulod sa kuwarto sang SB member ang mga kawatan kag nakuha sa duha ka bag ang P600,000 nga cash, cellular phone nga ginbanta nagabalor sang P45,000, digital camera nga nagabalor sang P50,000 kag mga alahas.

Ginapatihan nga nag-agi ang kawatan sa likod sang balay antes ginsulod ang kuwarto ni Mosqueda. (JoMaque)

Leave a Reply