Oton, Iloilo — Ginabanta sa P500,000 nga balor sang illegal drugs ang nakuha sa duha ka ginapatihan drug couriers sa San Antonio, Oton kaina ang hapon.

Nadakpan sa buybust operation sang gintingub nga puwersa sang Oton police kag Provincial Anti-illegal Drug Special Operations Task Group (PAIDSOTG) sanday Raymond Rivera, 32 anyos kag Smith Sande, 24 anyos lunsay sang Brgy. Capalaran, Arevalo.

Nakuha sa mga nadakpan ang 16 ka sachet sang suspected shabu, P200,000 nga marked money, cellphone kag mga drug paraphernalia.

Ginapatihan nga nagakuha sang supply ang mga nadakpan sa syudad sang Iloilo kag ginabaligya sa ila mga kliyente sa 1st kag 2nd district sa probinsya.

Preso na sa karsel sang Oton Police Station ang mga nadakpan. (JoMaque)

Leave a Reply