Iloilo City — Wala sang bili kay Mayor Jed Patrick Mabilog ang pagtambong sa mga election debate pareho sang Candidate’s Forum sang Aksyon Radyo Iloilo kag UP sa Halalan 2016.

Pagpati ini ni mayoralty candidate Engr. Arnel Dela Llana kasunod sang pagpamalibad sang alkalde nga mag-entra sa debate sa UPV auditorium kaina sang hapon.

Suno kay Dela Llana, mas importante pa kay Mabilog ang magdaug sa eleksyon sang sang sa magsabat sang mga isyu nga ginahaboy sa iya kag magplastar sang mga plataporma niya sa syudad.

Nagapati naman si mayoralty candidate Dr. Gold Gonzales nga guilty si Mabilog sa mga sala sini nga nahimo rason nga wala nagpakita sa debate.

Pamatuod lang ini nga gin-ako sang alkalde nga may ginatago ini kag nahadlok nga ma-komprontar sa mga isyu.

Pareho naman nga ginaduso nanday Gonzales kag Dela Llana ang pagbag-o sa pagdumala sa syudad kun magdaug nga alkalde sa Mayo 9 nga eleksyon. (JoMaque)

Leave a Reply