Hugot nga ipatuman sang nagkalain-lain nga police units sa rehiyon ang liquor ban kag smoking ban sa bisperas kag adlaw sang eleksyon.

Pahayag ini ni PSUPT Gilbert Gorero, Public Information Office sang Police Regional Office 6. Katuyuan sang ban ang pagpabilin sang malinong kag matawhay nga eleksyon.

Suno kay Gorero, arestuhon ang magalapas sa ban kag kumpiskaron ang mga ilimnon magluwas lang kon may nakuha nga exemption halin sa Conelec. Idumili man ang pagbaligya sang mga ilimnon sa mga tiangge kag ang pagpanigarilyo sa mga polling centers kag iban pa nga pampubliko nga lugar.

Ginpahanumdom man ni Gorero ang mga kandidato nga bawal na ang pagpangampanya sa Mayo 8 kag 9. (Aine Grace Bravo)

Leave a Reply