Oton, Iloilo–Pilason ang anak sang punong barangay sang Poblacion West kag isa ka tanod member sa shooting incident sa atubang sang Southcoast International School sa CM Recto Street, Oton kahapon.

Ginkilala ang mga biktima kanday Christopher Carreon, 42-anyos kag anak sang punong barangay, kag tanod commander Ronald Singson, 30-anyos. Ginatudlo nga suspek si Artemio Tauro, 37-anyos sang Calam-isan, Oton kag security guard sang eskwelahan nga ginapanag-iyahan ni Sangguniang Bayan Member kag Mayoralty Candidate Ted Britanico.

Sa imbestigasyon sang Oton police, nagkadto sa lugar ang mga biktima agud punggan ang pagsulod sang mga tawo sa eskuwelahan nga nagaserbi nga headquarters ni Britanico. L ima ka lupok ang nabatian antes nasapwan nga dugu-on ang mga biktima.

Na-recover ang lima ka mga baseyo sang 45 kalibre nga pusil kag pila ka deformed slugs.

‘Pulitika’

Pulitika kag daan nga hiligut-anon naman ang ginasunod nga motibo sa pagpangluthang. Gin-ako ni Britanico nga tinawo niya ang suspek.

Ginpahayag nga supporters ni former Mayor Carina Flores ang mga biktima nga padayon ginabulong sa ospital sa syudad. Preso naman sa karsel sang Oton Police Station ang suspetado. (Aine Grace Bravo)

 

 

 

Leave a Reply