Wala pa sang lugar sa Western Visayas nga gindeklarar nga election watchlist areas ukon EWAS.

Suno kay Police Regional Office 6 Spokesperson PSUPT Gilbert Gorero, isa pa ka conference ang ipatawag ni PRO-6 Director PCSUPT Bernardo Diaz antes ang adlaw sang eleksyon agud hibaluon kon anu nga mga lugar sa rehiyon ang madeklarar nga EWAS. Ginpasalig ni Gorero nga ipahibalo sa media kon may lugar nga makonsiderar nga EWAS base sa mga criteria nga ginhatag sang national headquarters.

Preparado na ang bug-os nga puwersa suno sa iya sang kapulisan sa rehiyon agud magbantay sa kalinong kag katawhay sa adlaw sang pinili-ay.

Gin-engganyo man sini ang publiko nga mangin mabinantayon kag magboto sang kandidato nga sa ila pagpati makahatag sang kaayuhan sa pungsod. (Aine Grace Bravo)

Leave a Reply