Iloilo–Patay ang duha ka mga supporters ni Estancia Mayoral Candidate Melina Requinto sang gintiro sang duha ka riding-in-tandem sa Barangay Pani-an, Balasan kahapon.

Ginkilala ang mga biktima kanday Robert Magarso sang Sitio Balaticon, Passi City kag Ronaldo Estandarte sang Bayuyan, Estancia. Nagasakay sa van ang mga biktima sang ginsundan sang mga suspetsado nga sakay sa duha ka motorsiklo.

Ginpahayag nga may pagbaisay antes nabatian ang sunod-sunod nga lupok. Suno sa testigo, nakabalos palupok ang nakasakay sa van. Na-recover sa lugar ang 26 ka baseyo sang m16, duha ka live ammo sag M16 rifle, duha ka baseyo sang 45 kalibre nga pusil kag lima ka basiyo sang 9mm.

Narecover naman sa van sang mga biktima ang isa ka granada kag 38-caliber revolver, holster kag bullet vest. Gin-ako sang himata ni Magarso nga si alyas Maricel nga supporter ni Requinto ang biktima.

Gina-imbestigaran na sang kapulisan ang identity sang mga suspetsado. (Aine Grace Bravo)

Leave a Reply