Maayo nga Relasyon kag Pagserbisyo sa mga Constituents, Gintumod nga Rason ni San Enrique Mayor-elect Trixie Fernadez sa Iya Kadalag-an sa Eleksyon

San Enrique, Iloilo–Nangin bentaha sa kandidatura ni Mayor-elect Trixie Fernandez batuk sa kasumpong nga si incumbent Mayor Ramona Go ang personal niya nga relasyon kag serbisyo sa mga pumuluyo sang banwa.

Magluwas sini, nagapati si Fernandez nga nakahatag man sang puntos ang iya maayo nga track record bilang alkalde sadtu.        Posible suno kay Fernandez nga nauyunan sang mga pumuluyo ang istilo niya sa pang-gobyerno kabangdanan ginpili siya liwat nga alkalde.

Ginpabutyag ni Fernandez nga nagahatag siya sang tiun nga makilala, maistorya kag magpamati sa mga adlaw-adlaw nga problema sang mga taga-San Enrique. Nakita man suno kay Fernandez sang mga pumuluyo nga may mehora ang mga proyekto sa banwa kag nabatyagan ang ginpatuman nga serbisyo.

Si Fernandez nga may masobra 200 ka boto nga abanse kay Go ang natalana nga iproklamar sang provincial Comelec. (Aine Grace Bravo)