Nangin malinong kag matawhay sa kabug-usan ang assessment sang Police Regional Office 6 sa bag-o lang natapos nga eleksyon.

Suno kay PSUPT Gilbert Gorero, chief sang Public Information Office sang Campo Delgado, wala sang dalagku nga insidente. Talunsay ang binotohay suno kay Gorero bisan sa nabukid nga mga lugar kag isla magluwas lang sa mga problema sang mga vote counting machines.

Sa pihak sang shooting incident sa Balasan sa diin duha ang napatay kag ginreport nga pagpangluthang sa Calinog, nangin malinong gihapon ang piniliay. Nagpasalamat si Gorero sa publiko sa paghugpong agud malikawan ang kinagamo sang Mayo 9. (Aine Grace Bravo)

Leave a Reply