NIR–Tatlo ka mga suldado ang patay kag duha ang pilason sa nagluntad nga encounter sa Sitio Carbon, Brgy. San Isidro, Toboso, Ngros Occidental.

Suno kay Lieutenant Colonel Ray Tiongson, spokesman sang 3rd Infantry Division sang Philippine Army, naglawig sang 15 minutos ang encounter sa tunga sang mga ginapatihan miembro sang New People’s Army kag Alpha Company sang 62 Infantry Battalion.         Ginkilala ang mga napatay nga suldado kanday Private First Class Teddie Arcallaga, Reggie Talleon kag Ramel Perasol. Pilason naman sanday Corporal Rosevil Villacampa kag Private Frst Class Jethro Niervo.

Nagapati si Tiongson nga may casualties man sa bahin sang mga rebelde apang gindala nila sa ila pagpalagyo ang bangkay.       Ginapatihan indi magnubo sa 30 ka mga rebelde ang naka-encounter sang mga suldado.

Gindala na sa Escalante City ang bangkay sang mga suldado samtang gindala sa Bacolod City ang mga pilason. (Aine Grace Bravo)

 

Leave a Reply