Capiz — Nagtulog nga naga-isahanon ang bana nga ginbayaan sang iya asawa sang gab-i pagkatapos sang ila kasal sa Barangay Bila-o, Sapian, Capiz.

Suno sa Sapian police, naglakat ang asawa nga si alyas Maria samtang masaku sa reception sa compound sang ila simbahan sa Bila-o ang iya bana nga si alyas Pedro.

Ginpahayag ni SPO2 Cheryl Garulacan sang Sapian Police Station nga may nakakita nga nagsakay sa motorsiklo si alyas Maria kag ang ginatudlo nga karelasyon sini nga si alyas Juan nga isa ka collector sang lending sa guwa sang reception area.

May mga impormasyon nga papwersa nga ginkuha ni Juan si Maria pero gina-establisar pa sang mga pulis ang kamatuoran bangud wala sang nakabati nga nagsinggit ang babaye.

Ginakonsiderar man kon ngaa ginpatapos pa ni Maria ang kasal antes nag-upod kay Juan. (JoMaque)

Natabu ang kasal sang mayo 13.

Leave a Reply