UPDATE: Manghod sang Gintiro-Patay nga si Lowell Bawe sa Jaro, Gintudlo sang iya Pamilya nga Naghimo sang Krimen
Read Time:1 Minute, 16 Second
Barotac Nuevo, Iloilo–Ginhingadlan sang pamilya ni Lowell Bawe ang nagtiro patay sa iya sa Barangay Buntatala, Jaro sang Mayo 17.
Nag-execute sang affidavit sa mga pulis ang duha ka utod ni Lowell nga nagatudlo sa ila manghod nga si Levy nga nagpatay sa biktima. Ginsaysay ni Barangay Kagawad Lorena Dizon sang Agcuyawan Calsada, Barotac Nuevo kag utod sang iloy sang biktima, anay miembro sang Philippine Army si Levy.
Ang mga manghod man ni Lowell ang nag-identify sa ila utod nga amo ang nagtiro sa biktima paagi sa kuha sang CCTV camera. Nakita sa footage nga gin-ipingan ni Levy nga nakasakay sa motorsiklo ang biktima nga nagamaneho man sang motorsiklo kag gintiro sa likod.
Sa pagkadumdom ni Kagawad Dizon, nagsugod ang pagla-inay sang buot sang mag-utod sang napatay ang ila iloy sang nagligad nga tuig. Indi na makit-an sa Barotac Nuevo si Levy kag ang iya asawa nga taga-Mindanao.
‘Autopsy’
Patal nga mga pilas sa ulo kag dughan naman ang gintunaan sang kamatayon ni Lowell base sa pag-autopsy ni Dr. Noel Martinez. 15 tanan ka mga pilas ang nakita sa lawas ni Bawe, kalabanan ang yara sa ulo kag dughan.
Nagapati si Martinez nga isa lang ka kalibre sang pusil nga compatible sa 45-caliber pistol ang gingamit sa pagtiro sa biktima. May yara man sang tatlo ka mga bala nga wala nakalusot sa lawas ni Bawe.
Magluwas sa dughan kag ulo, may pilas man sa likod, siko, gusok kag paa ang biktima. (Aine Grace Bravo)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
6 ka banwa sa Capiz ginbaha bangud sa wala untat nga pag-ulan
CAPIZ – Anum ka banwa sa Capiz ang ginbaha bangud sa wala untat nga pag-ulan dala sang bagyo Paeng, suno...
5 ka trabahador sang Daewoo Construction nga na-trap sa baha, gin-rescue sang taga-MDRRMO sa Calinog
ILOILO – Gin-rescue ang lima ka mga trabahador sang Daewoo Engineering and Construction sang na-trap sila sa baha sa Barangay...
ICPO preparado na para sa All Saints’ kag All Souls’ Day
ILOILO CITY – Nakahanda na ang puwersa sang Iloilo City Police Office sa pagbantay sang kalinong kag katawhay sa All...
2 ka suspects sa pagpatay kay Claire Diergos, nag-plead sang ‘not guilty’ sa kaso
ILOILO -- Nag-plead sang "not guilty" sa kaso ang duha ka mga suspects sa pagpatay kay Claire Diergos, ang babaye...
Red Zone Area bangud sa ASF, ipaidalum sa lockdown sang Iloilo Provincial Government
Ipaidalum sang Iloilo Provincial Government sa lockdown ang Red Zone Areas bangud sa African Swine Fever (ASF). Ginakabig nga Red...
P1-M nga balor sang suspected shabu, na-recover sa estudyante sa buy bust operation sa Pototan
ILOILO -- Masobra P1 million nga balor sang suspected shabu ang na-recover sa estudyante nga nadakpan sa drug buy bust...
Average Rating