Iloilo City — Ginapangayu-an sang paathag ni Police Regional Office 6 ukon PRO6 director Bernardo Diaz si ICPO Director Khasmir Disomangcop angut sa stabbing incident sa Smallville Complex sa  Barangay San Rafael, Mandurriao.

Kinahanglan ni Diaz ang paathag  bangud alas 5 na sang aga nagresponder ang police samtang natabo ang insidente alas 2:20 sang kaagahon sang Mayo 20.

Ginpahayag nga ang ginikanan pa sang napatay  nga si Noel John Galanto ang nagtawag sa Mandurriao Police Station may kaangtanan sa insidente.

Pangayo-an man sang paathag ni Diaz si Disomangcop kag hepe sang Mandurriao Police Station kon ngaa wala na sang police nga nagabantay sa boardwalk malapit sa estasyon sang Aksyon Radyo.

Ginmandu ni Diaz ang pagpahamtang sang police sa boardwalk sang nobyembre 19 sang nagligad nga tuig matapos gintuyo saka-on ni PDEA identify top drug personality Boyet Odicta  ang estasyonan sang Aksyon Radyo. (Nemesio Martirez)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply