Exclusive: Antes ang Nareport nga Pagholdap sa Parking lot sang Robinson’s Mall sang Mayo 18, may Natabu na nga Pagholdap sa amu man nga Mall sang Mayo 4
Read Time:57 Second
Iloilo City — May natabu na nga pagholdap sa parking lot sang Robinson’s mall antes ang nareport nga pagholdap sa negosyante nga babaye sang Mayo 18.
Suno kay alyas Charles nga informant sang Aksyon Radyo, natabu man ang pareho nga modus operandi sa iya kumare sang Mayo 4.
Ginpahayag ni Charles nga mabayad kuntani ang iya kumare sang tuition sang iya anak pero bangud sirado pa, nagdiretso ini sa Robinson’s mall.
Sang panaug na sa iya salakyan, nakibot ang babaye sang nagtuhaw sa iya kilid ang lalaki nga nakasuksok sang surgical mask kag gintutukan siya sang pusil kadungan sa paghambal nga magbalik ini sa sulod sang salakyan.
Nagpangayo ang suspek sang P5,000 suno kay Charles bisan pa nakita sini nga may bandol sang kwarta ang biktima.
Ginpabutyag pa sang suspek nga balikan sini ang biktima kon may kwarta na siya gani nga iya ginpangayo ang contact number sang biktima.
Nagsakay pa ang suspek sa salakyan sang biktima kag nagpanaug sa dalan Mabini.
Sang Mayo 18, nagreklamo man ang negosyante nga babaye nga ginholdap siya sa parking lot sang Robinson’s mall kag nakuhaan sang P16,000. (JoMaque)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
6 ka banwa sa Capiz ginbaha bangud sa wala untat nga pag-ulan
CAPIZ – Anum ka banwa sa Capiz ang ginbaha bangud sa wala untat nga pag-ulan dala sang bagyo Paeng, suno...
5 ka trabahador sang Daewoo Construction nga na-trap sa baha, gin-rescue sang taga-MDRRMO sa Calinog
ILOILO – Gin-rescue ang lima ka mga trabahador sang Daewoo Engineering and Construction sang na-trap sila sa baha sa Barangay...
ICPO preparado na para sa All Saints’ kag All Souls’ Day
ILOILO CITY – Nakahanda na ang puwersa sang Iloilo City Police Office sa pagbantay sang kalinong kag katawhay sa All...
2 ka suspects sa pagpatay kay Claire Diergos, nag-plead sang ‘not guilty’ sa kaso
ILOILO -- Nag-plead sang "not guilty" sa kaso ang duha ka mga suspects sa pagpatay kay Claire Diergos, ang babaye...
Red Zone Area bangud sa ASF, ipaidalum sa lockdown sang Iloilo Provincial Government
Ipaidalum sang Iloilo Provincial Government sa lockdown ang Red Zone Areas bangud sa African Swine Fever (ASF). Ginakabig nga Red...
P1-M nga balor sang suspected shabu, na-recover sa estudyante sa buy bust operation sa Pototan
ILOILO -- Masobra P1 million nga balor sang suspected shabu ang na-recover sa estudyante nga nadakpan sa drug buy bust...
Average Rating