Tigbauan — Patay ang magtiyo sang ginpatihan na-suffocate sa ginasag-ahan nga bubon sa Tigbauan kahapon.

Suno kay Jun-jun Tumatag, himata sang magtiyo nga alyas Jimmy, 14-anyos kag Joebel Sumido, 30-anyos sang Sitio Ilaya Barangay Bugasongan, Tigbauan, nagasag-a sang bubon ang mga pumuluyo sa lugar kaupod ang mag-tiyo sang nahulog ang timba nga ginagamit sa pagsag-a.

Ginpanaugan ini ni alyas Jimmy apang natingala ang mga kaupod sini sa ibabaw kun ngaa wala na ini nagahulag bisan taga-tuhod lang ang tubig.

Ginpanaugan ini sang iya tiyo agud nga i-rescue apang gulpi man ini nga nalipong sa sulod sang bubon nga ginabanta nagdalum sang 40 ka tapak.

Gintawgan sang mga rescuers kag bombero agud nga makuha ang mga biktima kag gindala sa ospital apang gindeklarar nga napatay. Ginapatihan nga nakahaklo sang poisonous gas sa idalum sang bubob ang magtiyo. (Nemesio Martirez)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply