Iloilo City — Maayo nga balita para sa mga SSS deliquent borrower bangud may ginatanyag ang ahensya nga programa agud indi na magbayad sang penalty.

Ginpahayag ni SSS-Iloilo Molo branch manager Rene Moises Gonzales nga indi na magbayad ang deliquent borrower sang penalty kon maka-avail ini sang loan restructuring program (LRP) sang SSS.

Sa idalum sang LRP suno kay Gonzales, ang bayaran sang SSS deliquent borrower amo lang ang principal kag ang 3 porsiento nga interest.

Ginatanyag ini nga programa sang ahensya sa mga SSS member nga wala nakabayad sa ila gin-loan matapos nalabayan sang kalamidad kasubong sang Super Typhoon Yolanda.

Maka-avail sang programa suno kay Gonzales ang taga-Iloilo, Capiz, Aklan kag Antique samtang wala nalakip ang Guimaras apang maka-avail ini sang benipisyo kon nagatrabaho sa Iloilo.

Nagsugod ang LRP sang Abril 28 subong nga tuig kag magatapos sa Abril 27, 2017.

Ginpanugyan ni Gonzales ang mga deliquent borrower nga magkadtu lang sa SSS-Iloilo Molo Branch kag SSS main office sa Mapa Street, City Proper kag mag-fill up sang application forms agud maka-aval sang benepisyo. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply