Iloilo — Apat sa 7 ka mga suspects nga gintudlo nagtiro patay sa duha ka supporters ni Estancia mayoralty candidate Melina Requinto sa Sitio Pani-an Balasan ang naga-engage sa illegal nga druga kag guns-for-hire.

Ginkomfirmar ni Philippine Drug Enforcement Agency (PDEA-6) Director Paul Ledesma nga nalakip sa ila drug watchlist ang mag-himata nga Federico Balume alyas Master Pedic, Francis Balume, Turing Balume kag Ramie Balume.

Nabase sa nabukid nga barangay sa Sara ang grupo nga ginapamunuan ni Federico Balume.

Indi naman makomfirmar ni Ledesma kon may politiko nga naga-finance sa grupo agud maghimo sang mga illegal nga aktibidad.

Direkta nga nagakuha sang suspply sang illegal drugs ang grupo sa Metro Manila, Cavite kag Pampanga kag ginadala sa Sara kag mga kaingud nga lugar.

Ang mag-himata nga Balume kaupod sanday Junjun Cordero, Chris Perlas kag Allen Francisco ang ginpasakaan sang double murder bangud sa pagpatay kanday Ronaldo Estandarte sang Babuyan Estancia kag Roberto Magarso sang Sitio Balaticon Passi City sang Mayo 8. (Nemesio Martirez)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply