Iloilo City — Indi magtambong si Bids and Awards Committee (BAC) Chairman Joren Sartorio sa committee hearing sang city council sa Lunes, Hunyo 6.

Mapadulong si Sartorio upod sa iya asawa sa New York buwas agud updan ang Tribu Salognon nga maga-perform sa Independence Day Celebration.

Nagpasalig naman si Mayor Jed Patrick Mabilog nga kon wala si Sartorio, pagatambungan sang iban nga mga miembro sang BAC ang committee hearing.

Nagpasar sang resolution si Councilor Joshua Alim para sa paghiwat sang committee hearing agud pangayuan sang paathag angh BAC kon ngaa gin-award sa Holland Water Refilling Station ang pag-rasyon sang tubig sa mga barangay bisan wala ini sang standby water tanker.

Nagpaandam pa si Alim nga pasakaan sang kaso sa Ombudsman ang BAC kon indi mapaathag sang maayo sang BAC ang isyu. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply