Bag-o nga ICPO Acting Director PSSUPT Remus Zaracias Canieso, Handa na Magpatuman sang Mandu nga Awayon ang mga Durugista!

Iloilo City–Ginbaton ni PSSUPT Remus Zacharias Canieso ang paghangkat ni Police Regional Office (PRO) 6 Director PCSUPT Bernardo Diaz nga dakpon ang mga durugista sa syudad.

Ini ang marching order ni Diaz kay Canieso kadungan sang pagpahamtang sa iya bilang officer-in-charge sang Iloilo City Police Office matapos boluntaryo nga nagpa-relieve si PSSUPT Khasmir Dismangcop kahapon. Suno kay Canieso, mangin prayoridad niya ang pagsolbar sa problema sang illegal drugs. May ipatuman ini nga systematic approach sa pag-target sang mga nagapanguna nga drug personalities.

Ang mga station commanders suno kay Canieso ang dapat nga magatrabaho sa pagdakop sang mga kilala nga durugista. Target man ni Canieso nga kakason sa serbisyo ang mga pulis nga mapamatud-an protektor sang illegal drugs. (Aine Grace Bravo)