Iloilo City–Magahiwat sang pinakauna nga anti-drug summit ang syudad agud magkuha sang solid commitment halin sa nagkalain-lain nga sector sa kampanya kontra illegal nga druga.

Ang Iloilo City Anti-Drug Abuse Council ukon ICADAC ang magapanguna sa duha ka adlaw nga summit nga pasakupan sang mga barangay officials sa 180 ka mga barangay, non-government organizations, religious sector, professional groups, academe kag mga katapo sang media. Suno kay Mayor Jed Patrick Mabilog, hiwaton ang summit sa Hunyo 15 kag 16 sa Jaro Plaza Covered Gym, alas-9 sa aga.

Paagi sini suno sa alkalde, mapakita sang mga Ilonggo ang ila panindugan nga ululupod sa pagtapna sang illegal nga druga sa syudad.

Paga-imbitaron man sa anti-drug summit ang mga officials sang Department of Interior and Local Government, Philippine Drug Enforcement Agency, mga pulis kag iban pa nga natungdan nga ahensya sang gobierno. (Aine Grace Bravo)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply