Iloilo City–Nadakpan na ang ginatudlo holdaper sa parking lot sang malls sa syudad.

Gin-ako ni Velmar Papelera, 19-anyos sang L-98, Jaro nga siya ang nagpangholdap sang doktora sa parking lot sang SM City kag sa babaye nga may upod nga bata sa parking lot sang Robinson’s Mall. Nadakpan ini kahapon matapos nga gintuyo nga holdapon ang 30-anyos nga babaye nga may upod nga bata sa parking lot sang SM City.

Nagbato ang babaye kag nakadalagan ang bata nga nagpangayo sang bulig sa mga guwardya sang mall gani nadakpan si Papelera. Nagbulig man sa pagdakup kay Papelera ang mga pulis nga naga-standby malapit sa mall.

Ginpahayag sang suspek nga naakig siya sa manager sang Robinson’s Mall bangud ginpahalin siya bilang bagger. (Aine Grace Bravo)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply