Iloilo–Nagsabtanay sa regular session sang Sanguniang Panlalawigan kahapon sanday ex-officio Board Member Jeneda Salcedo-Orendain kag 1st District Board Member Ninfa Garin.

Ginkwestyun ni Orendain si Board Member Manny Gallar, chair sang Committee on Public Order and Safey, kon nga-a 5th district lang ang ginatumod nga may presensya sang goons sa tion sang eleksyon. Kuntani suno kay Orendain, gin-usisa man sang Iloilo Police Provincial Office ang presensya sang goons sa premier distrito ilabe na sa Guimbal kag Tubungan sa diin may nagatabu man nga harassment ilabe.

Nag-react naman si Board Member Garin sa akusasyon ni Orendain kag ginhangkat pa ini nga pamatud-an nga may goons sa premier distrito. Suno kay Garin, indi dapat maghambal si Orendain nga matawhay ang 5th district bangud nakita sini halin sang una nga madamo sang bodyguards nga nagasunod sa mga mayors.

Ginpabutyag pa ni Garin nga ang mga supporters nila sang eleksyon ang nagpanugid nagpanugid nga indi sila makaboto bangud ginapunggan sang armado nga grupo.

‘Indi Kontento’

Indi naman kontento si BM Gallar sa resulta sang pagpangusisa niya sa mga resource persons.  Suno kay Gallar, nagaduha-duha si IPPO Director PSSUPT Roderick Augustus Alba sa iya sabat sa pamangkot kon may goons gid man bangud gina-verify pa sini ang mga intelligence reports.

Nagpasar na lang suno sa iya sang resolution ang SP  nga naga-engganyo kay Alba nga padalman ang pag-imbestigar sa pag-egsister sang goons ukon private armed groups sa quinto distrito kag hibaluon kun sin-o ang tawo sa likod sang grupo.   Ginhambalan man si Alba nga bungkagon ang armed group kag pasakaan sang kaso. (Aine Grace Bravo)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply