Jail Guard sang BJMP, Ginreklamo nga Nagpanghaboy sang Bato sa Gina-arkilahan nga Balay sang 40-anyos nga Babaye

Leganes, Iloilo — Pursigido ang 40-anyos nga ginang nga magpasaka sang kaso batuk sa jail guard sang Bureau of Jail Management and Penology (BJMP) nga ginpahayag naghaboy sang bato sa gina-arkilahan nga balay sa Brgy. Cagamutan, Leganes.

Suno sa tagreklamo nga si Maria Theresa Robinson sang Dumangas, makatatlo ka beses nga ginhaboy sang bato ni jail guard Reynold Arfornon, 54 anyos sang Barangay Cagamutan ang iya balay, ginguba ang kudal nga kawayan, nagtuyo nga buksan ang puwertahan sang kusina kag ginlampusan sang bato ang bintana nga kristal.

Nagsinggitan pa si Alfornon kay Robinson nga maguwa ini sa balay kun indi sila luyag nga tiruhon sang iya bata. (JoMaque)