Iloilo City — Desidido nga magpasaka sang kaso ang 24-anyos nga babaye batuk sa lalaki nga ginpahayag nagsulod sa iya sa kwarto kag nagtuyo nga maghimulos.

Suno kay alyas Arlene sang Mandurriao, nagakatulog siya sa kuwarto sang iya nabugtawan nga nagatongtong na kag naga-uyat sa iya mga kamot kag paa si alyas JP.

Nagakumod lang suno sa iya ang lalaki sang ginpamangkot ini sa rason sang pagsulod niya sa kuwarto.

Nakasulod si JP bangud wala na-lock ni Arlene ang pwertahan bangud ginahulat pa ang iya amay kag utod nga mag-abot halin sa Iloilo Fishing Port.

Ginpanindugan naman sang suspek nga wala siya sang tuyo nga himuslan si Arlene kag ginrason nga nakasulod siya sa kuwarto bangud sang tuman nga kahulugbon.

Handa nga atubangon ni JP ang kaso nga ipasaka batuk sa iya ni Arlene.  (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply