459 KA Volunteer Informants, Nagpasakop sa Lambat Sibat Program sang PNP
Iloilo — 459 ka volunteer informants ang nagpasakop sa “Lambat Sibat” program sang Philippine National Police.
Ginpahayag sang volunteer nga si alyas Jel nga ila i-report sa police ang mga tawo nga naga baligya sang illegal drugs kag nagahimo sang iban pa nga illegalidad kasubong sang illegal gambling.
Nagpamat-od si alyas Jel nga mag volunteer sa Lambat Sibat Program sa tuyo nga magbulig sa pagpaluntad sang kainong sa probinsya.
Kadam-an sang mga volunteers ang mga supporters ni President-elect Rodrigo Duterte.
Nagpasumpa kahapon sa Iloilo Police Provincial Office sa mga volunteer informants si Senior Superintendent Christoper Tambongan, chief Directorial Staff sang Police Regional Office 6.
Gin-paandaman ni Tambongan ang mga police nga pasakaan sang kaso administratibo kon indi pag-aktuhan ang ginahatag nga impormasyon sang mga volunteers informants. (Nemesio Martirez)
pano mg apply volunteer ky ireport ko mn diri ang mga gabaligya sang shabu sa amon barangay. little bakhaw na d ang lugar nmon grabe na gd ang baligyaanay sng shabu ang kapitan wla gid action ah mga wla pulos nga klase ka mga public servant. bisan brgy konsehal gshabu pa kg naaktuhan ko pa mga bwisit!