Police Security ni Mayor Jed Patrick Mabilog, Ginamanduan nga mag-report sa ICPO sa tion sang Formation kun wala Sila sang Duty sa Alkalde

Iloilo City — Ginhambalan ni Iloilo City Police Office OIC Director Remus Zacharias Canieso ang mga police security ni Mayor Jed Patrick Mabilog nga magreport sa ICPO sa tion sang formation.

Luyag ni Canieso nga mahibaluan sang mga pulis ang mga instructions sang command agud ma-apply nila sa adlaw-adlaw nga duty.

Paagi ini suno kay Canieso nga ma-account ang mga personnel sang ICPO kag ang mga issued firearms sang gobierno.

Istrikto nga ginapatuman ni Canieso ang mga pagsulundan sang Philippine National Police kag mga instructions ni Police Regional Office 6 Director Bernardo Diaz.

Una na nag-prangka si Canieso nga istrikto siya sa iya mga tinawo ilabe na sa duty schedule, pagsoksok sang uniporme kag pagpatuman sang mga laye kag ordinansa sang syudad. (JoMaque)