(Update) Presidente sang IBP-GuimarPresidente sang IBP-Guimaras Chapter, Nag-file sang Manifestation sa Korte nga Desisyunan ang Kaso agud Punggan ang Pagbukas sang GIFT

Iloilo City — Nag-file sang manifestation sa korte si Attorney Vincent Pascal De Asis, presidente sang Integrated Bar of the Philippines (IBP) Guimaras Chapter may kaangtanan sa ginpasaka nga kaso batuk sa Iloilo City Government kag Double Dragon Properties Corporation.

Suno kay De Asis, ang iya pag-file sang manifestation nagapahanomdom sa korte nga desisyunan na ang kaso bangud manugbukas na ang Guimaras Iloilo Ferry Terminal sa Hunyo 23.

Desisyon na lang sang korte ang ginahulat suno kay De Asis bangud nakasumiter na sang ebidensya ang magtimbang nga bahin.

Nagpasaka sang kaso ang IBP-Guimaras Chapter batuk sa City Government kag Double Dragon bilang pagpamatok sa 11 pesos nga terminal fee sa ferry terminal.

Nalakip sa prayer sang IBP-Guimaras Chapter ang Writ of Preliminary Injunction agod mapunggan ang pag-operate ang GIFT. (JoMaque)