Iloilo City Naham-ot si Councilor Plaridel Nava sa Hublag Kontra Druga summit sang city government sa pagpanguna ni Mayor Jed Patrick Mabilog sa Hunyo 15.

Reaksyon ini sang konsehal matapos nakita ang imbitasyon nga pirmado ni Mayor Jed Patrick Mabilog nga ginpadala sa Aksyon Radyo Iloilo kag bisan kay president-elect Rodrigo Duterte.

Suno kay Nava, nadumduman pa sini nga ginyaguta siya sang nag-upod sa kawsa sang Aksyon Radyo sa pag-away kontra illegal drugs.

Maayo gid ang plano sang alkalde suno kay nava nga magtingub ang tanan nga stakeholders kontra illegal drugs pero ginakwestyun sini ang intention kon ngaa subong lang naghulag.

Wala naman sang plano ang konsehal nga mag-upod sa aktibidad.

Ginhangkat ni Nava si Mayor Mabilog nga pa-imbestigaran ang mga drug personalities sa syudad kon seryoso gid ini sa pag-away na sa illegal nga druga sa syudad. (JoMaque)

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply