Iloilo — Nasapwan sa talamnan sa Barangay Dawis, Pototan ang bangkay sang lalaki nga wawa na ang puwak kag may pilas sang pagkatiro sa guya.

Ginputos pa sang packing tape ang ulo sang lalaki kag nahigut man sang packing tape ang iya mga kamot kag tiil.

Ang lalaki nakasuksok sang tshirt nga pula kag shorts nga maong kg ginabanta naga-edad sang 40-anyos.

May yara ini sang tattoo nga BD sa wala nga abaga kag kilohan nga pareho sang simbolo sang hustisya sa tuo nga abaga.

May nakuha man nga papel sa bulsa sang biktima sa diin nasulat nga siya ang nagpatay sa duha ka ice cream vendors sa Tacas Jaro.

Nagapati ang mga pumuluyo nga pangayaw ang lalaki bangud wala sang may ginreport nga nadulaan sang himata sa Pototan.

Posible nga biktima sang summary execution ang lalaki nga ginpatay sa iban nga lugar kag gintapok sa amu nga barangay. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply