Buenavista, Guimaras–Patay ang number 1 drug personality sa listahan sang Guimaras police matapos nga ginpahayag nagbato sa mga pulis sa drugbust operation sa Brgy. Tastasan kahapon.

Ginkilala ang napatay kay Giovanie Eñano, 43-anyos sang Brgy. Banban, Buenavista matapos ginpahayag nagbato sa nagserbe nga police poseur-buyer. Suno kay PCINSP Raymond Cruz, ang hepe sang Buenavista Police Station,  ginpitkan ni Eñano sang 38-kalibre nga pusil ang pulis apang wala naglupok gani nagbalos ini sang tiro. Ginhingagaw pa dala sa ospital si Eñano apang napatay bangud sang pilas sa dughan kag tuo nga kilid sang lawas.

Na-recover sa lugar ang duha ka baseyo sang 9mm caliber halin sa pulis kag ang 38-caliber revolver ni Eñano. Na-aresto man sa operation ang live-in partner ni Eñano nga si Queenie Espinosa, 34-anyos nga nakuhaan sang pito (7) ka plastic sachets sang suspected shabu kag si Robel Davis, 36-anyos, ang ginatudlo runner sang maglive-in partner kag nakuhaan man sang lima (5) ka plastic sachets sang suspected shabu. (Aine Grace Bravo)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply