Iloilo City — Indi makapat-od ang Technical Working Group sang Bids and Awards Committee (BAC) kon bala naka-deliver ukon wala sang tubig ang Holland Water Refilling Station sa mga barangay sa syudad nga apektado sang el niño.

Ginpahayag ni Atty. Hernando Galves, miembro sang TWG nga kon mag-request ang Holland Water nga bayaran kag may i-presentar ini nga delivery receipt sa City Disaster Risk Reduction and Management Council (CDRRMC) Secretariat, pamatuod ini nga narasyonan sang tubig ang mga barangay.

Samtang wala naman nagsantu ang pahayag nanday BAC spokesperson kag City Legal Officer Daniel Dinopol kag Galves.

Gintumod ni Councilor Joshua Alim nga naghambal si Dinopol sang nagligad nga hearing nga indi kuwalipikado ang Holland Water bangud wala sang delivery truck.

Apang ginpanindugan naman ni Galves nga kuwalipikado ang Holland Water kag may water tanker nga naga-deliver na sang tubig sa mga barangay sang 2013. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply