Iloilo City (UPDATE) Na-establisar nga wala nakadeliver sang tubig sa mga barangay nga apektado sang el niño sa syudad ang Holland Water Refilling Station.

Napamatud-an ini sa testimonya ni City Disaster Risk Reduction and Management Council Secretariat Darwin Papa sa ikaduha nga hearing sang Committee of the Whole sang city council kahapon. Suno kay Councilor Joshua Alim, ginsugid ni Papa nga wala sila sang ebidensya nga nakarasyon sang tubig ang Holland Water bangud wala sang delivery receipt.

Natukiban man sa hearing nga si alyas Nadine pa nga ginpahayag taga-Holland Water ang nagahatag sa CDRRMC sang listahan sang mga barangay nga pagarasyunan sang tubig kag indi si Liga President Reyland Hervias. Apang wala sang may makasugid sa mga resource persons kun sin-o si alyas Nadine.

Bisan ang Technical Working Group sang Bids and Award Committee suno kay Alim ang indi man sigurado kun naka-deliver sang tubig ang Holland Water. (Aine Grace Bravo)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply