Iloilo City–Ginabanta sa 25 milyones pesos nga balor sang illegal drugs ang ginsunog sang PDEA 6 sa Gegato-Abecia Crematorium kahapon.

Suno kay PDEA 6 Director Paul Ledesma, ini na ang pinakadaku nga volume sang illegal nga druga nga ginsunog halin sang nagbalik siya pungko sa PDEA 6. Nagapakita ini suno sa iya sang madasig nga resolution sang korte sa mga kaso angut sa illegal drugs.

Luyag man ipakita sang PDEA 6 nga hayag kag ma-id-id ang proseso sang ahensya sa paguba sang illegal drugs nga nakumpiskar paagi sa pagsunog. Ginabanta anum ka kilo sang shabu kag marijuana ang ginsunog kahapon. (Aine Grace Bravo)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply