Mag-utod nga Ati nga Ginapatihan miembro sang Budol-Budol Gang, Naaresto sa Guimaras
Read Time:49 Second
Guimaras — Nadakpan ang mag-utod nga ati nga miembro sang budol-budol gang sa Guimaras.
Ginpahayag nga nagpakuno-kuno ang mag-utod nga mga manugbulong kag ginpapati ang isa ka pamilya nga may nagalumon nga tamawo sa ila balay.
Ginhaylo sang mag-utod ang tagbalay nga isulod ang P20,500 sa puyo kag ibutang sa likod sang altar agud matabog ang malain nga esperitu kag indi pagtandugon ang puyo kon indi sila magbalik.
Apang nagpangisog ang tagbalay nga lantawon ang unod sang puyo kag nakit-an nga lunsay lang mga ginunting nga papel.
Ginkilala ang mag-utod nga sanday Rina Mesajon, 39-anyos sang San Nicolas Buenavista; Mila Mesajon, 32-anyos sang Mina Iloilo kag Alona Almeria Mesajon, 27-anyos sang Barotac Nuevo.
Nadakpan ang mga suspek matapos ginpunggan sang Buenavista police samtang nagatuyo nga magsakay sa pumpboat sa Sto. Rosario wharf padulong sa syudad.
P20,100 na lang ang nabalik sang mag-utod nga ati sa pamilya bangud nagastu na ang P400. (JoMaque)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
6 ka banwa sa Capiz ginbaha bangud sa wala untat nga pag-ulan
CAPIZ – Anum ka banwa sa Capiz ang ginbaha bangud sa wala untat nga pag-ulan dala sang bagyo Paeng, suno...
5 ka trabahador sang Daewoo Construction nga na-trap sa baha, gin-rescue sang taga-MDRRMO sa Calinog
ILOILO – Gin-rescue ang lima ka mga trabahador sang Daewoo Engineering and Construction sang na-trap sila sa baha sa Barangay...
ICPO preparado na para sa All Saints’ kag All Souls’ Day
ILOILO CITY – Nakahanda na ang puwersa sang Iloilo City Police Office sa pagbantay sang kalinong kag katawhay sa All...
2 ka suspects sa pagpatay kay Claire Diergos, nag-plead sang ‘not guilty’ sa kaso
ILOILO -- Nag-plead sang "not guilty" sa kaso ang duha ka mga suspects sa pagpatay kay Claire Diergos, ang babaye...
Red Zone Area bangud sa ASF, ipaidalum sa lockdown sang Iloilo Provincial Government
Ipaidalum sang Iloilo Provincial Government sa lockdown ang Red Zone Areas bangud sa African Swine Fever (ASF). Ginakabig nga Red...
P1-M nga balor sang suspected shabu, na-recover sa estudyante sa buy bust operation sa Pototan
ILOILO -- Masobra P1 million nga balor sang suspected shabu ang na-recover sa estudyante nga nadakpan sa drug buy bust...
Average Rating