Bangkay sang Lalaki nga Ginputos sang Trapal kag Ginlubong, Nasapwan sa Maligwin nga Lugar sa Sara
Iloilo — Natalana nga i-autopsy ang bangkay sang lalaki nga nasapwan nga ginputos sang trapal kag ginlubong sa maligwin nga lugar sa Bo. Domingo Sara kahapon.
Suno kay Senior Inspector Gilbert Archide sang Sara Police Station, nagapanimaho na ang bangkay sang ila nga nasapwan.
Ginkilala ini kay Sonny Anuevo sang Sitio Tuburan, Poblacion, Concepcion nga ginapatihan durugista sa banwa.
Ginpahayag nga may kaso sa illegal drugs kag frustrated murder si Anuevo sa Concepcion kag nakaagi man ini nadakpan nga nagabaligya sang illegal drugs apang nakapiyansa.
Narecover sa bangkay ang iya kahita nga may unod nga aluminum foil kag lighter.
Padayon nga gina-imbestigaran ang motibo sa pagpatay kay Anuevo. (JoMaque)